На летната сцена во Делчево со егзирцир на Гардата започнува централната прослава на одбележувањето на 150 години од Разловечкото востание. Во рамките на вечерниот музички дел, свој концерт ќе има и Воениот оркестар и македонскиот бренд „Танец“. Настанот започнува во 20 часот.
Музичкиот дел е еден сегмент од настаните кои изминатиов месец се организираа под мотото „150 години Разловечко востание: Искра за вечна слобода на македонскиот народ“ во кој со свои активности се вклучија сите локални институции: ЈЛБ „Илинден“, НУЦК „Никола Јонков Вапцаров“, образовните институции и, секако, Општина Делчево која е организатор на настаните.
Денешниов ден е резервиран за неколку важни настани.
Од 14 ч. на летната сцена ќе се одржи Локален базар, каде на 10-ина штандови ќе се промовираат рачни изработки и индивидуални производи кои се бренд на Делчево, додека во салата од Спомен-домот АСНОМ со почеток од 17.00ч ќе се одржи промоција на поштенската марка којашто Македонски пошти ја издадоа по повод големиот јубилеј, по што следува научната трибина на која свои трудови ќе проф д‑р Ванчо Георгиев од Филозофскиот факултет, д‑р Мирјана Нинчовска од Музеј на Македонија, проф. д-р Никола Минов и пензионираниот професор по историја од делчевската гимназија Митко Антовски.
Централната прослава ќе се одржи во Разловци на 19 мај со почеток од 11.00ч. Разловци ќе биде домаќин на високи претставници од државата, од најразлични институции, уметници, гости од Општината, но и на сите добронамерници. Сите кои ќе го посетат востаничкото Разловци ќе бидат дел од свеченоста за да ја почувствуваат магијата на времето и да бидат сведоци на историјата и современоста, на спомените кои ја испреплетуваат индивидуалната жртва и колективната слобода, но и да го осетат спојот на локалното Разловци со националното значење
Креирано од:
СЛИЧНИ ОБЈАВИ
Премиерот Мицкоски од Виница денес соопшти дека почнува реализацијата на проектот за експресниот пат Делчево- Виница- Кочани
Кривична пријава против малолетничка од Кочани која вршела психичко насилство врз дете преку социјални мрежи
Кривична за 38 годишен жител на Кочани, ја загрозувал сигурноста преку упатување пораки преку социјална мрежа