НИЗ МОЈОТ ЏАМОГЛЕД 112ШЧО НАПРАИФНЕ И ШЧО ТРЕБИТ ДА НАПРАИМЕ ЗА ОДНАПРЕД
( К. П. Мисирков)
Пред 75 г. нашите предци создадоа полудржава (република во рамките на Југославија). Подобро нешто, отколку ништо. Вистинските борци загинаа. Оние “со двајца сведоци” се устоличија и беа власт 46 г.
Пред 29 г. прогласивме независност со цел да бидеме свои на своето. На прославата на плоштадот Македонија имаше илјадници луѓе. Јас не бев, немаше со што да отидам, иако сакав. Ги немаше Бранко, Андов, Гошев.. и целокупното раководство на СДСМ, ЛП, ПДП… Глигоров го извлекле од спалната соба, па го донесоа директно на бината. Двоколката наречена Република Македонија наместо нагоре тргна низ удолница. Донесовме устав со “фабричка” мана.
Криминалната приватизација направи грст луѓе милионери и 250.000 на улица, без корка леб. Во 2001 ни се случи (напад од протекторатот Косово, тероризам, борба за човекови права). Одберете по Ваше, бидејки историчарите сеуште не кажале што всушност се случи. Потоа удолницата се претвори во провалија. Кобајаги за излез потпишавме, врамени, пржени грчки, бугарски и какви ли не договори. Сега сме до гуша во сопствените фекалии. Сламката за спас наречена ЕУ, е сеуште многу далеку од нас со веројатност никогаш да не ја фатиме.
Заклучок: не направивме ништо.
Го урнисавме и тоа што ни го оставија нашите предци. А нема ниту ништо да направиме за однапред.
Не заслужуваме своја држава. Третина од столетие бираме некадарни водачи…
Пишува: Krum Nikolovski
