Меѓународните позитивни практики во образованието и тоа како се добредојдени за имплементација адаптирани на Македонски услови во рудиментираното македонско образование.
Министерката за образование и наука Весна Јаневска денеска зеде учество на меѓународен Самит на земјите од Западен балкан на Министри за образование, иновации и култура на кој што беа разменети вакви пракси и искуства кои што можат да го подобрат образовниот систем во нашата држава.
“
Денес во Будимпешта учествувам на Самит на министри за образование, иновации и култура на земјите од Западен Балкан и Унгарија. Целта е јакнење на меѓусебните релации во овие области, со што ќе ја подобриме меѓународната конкурентност како регион и ќе ја унапредиме соработката со Европската Унија.
Информирав дека Македонија е фокусирана на исполнување на целите и обврските од Стратегијата за паметна специјализација, Планот за раст и реформската агенда за Западен Балкан, како и од новата Европска агенда за иновации. Имаме капацитет и ќе го забрзаме развојот на националното високо образование и на науката. Стануваат приоритет. Со тоа, ќе дадеме придонес кон регионалниот, но и глобалниот развој.
Предложив и задоволство ми е што прифатена е мојата иницијатива, на следниот Самит да се организира состанок на претставници на најдобрите универзитети и научни институти од секоја од земјите. Тие меѓусебно комуницираат и соработуваат, но сигурна сум дека на средби во ваков формат, енергијата и мотивацијата се поинакви и ќе воспостават нови релации, а тоа ќе биде наш заеднички интерес,”
-информираше преку социјалните мрежи Министерката Јаневска.

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар