Министерот за внатрешни работи Панче Тoшковски со Државниот Јавен Обвинител Љупчо Коцевски потпишаа договор за размена на податоци во електронска форма преку кој што двете институции ќе соработуваат во функција за обезбедување на подобри услуги за граѓаните.
“Денеска заедно со државниот Јавен обвинител, Љупчо Коцевски го потпишавме договорот за размена на податоци во електронска форма. Договорот е потпишан во соработка со Националната платформа за интероперабилност во која институциите се поврзуваат меѓусебно за размена на електронски податоци за процесите, услугите и надлежностите кои ги имаат со цел обезбедување на најбрза размена на податоци и со тоа и услуги за граѓаните.
Врз основа на договорот, обвинителството ќе добие директен електронски пристап до базите на податоци кои ги води МВР за државјанство, за моторни возила, за живеалиште и престојувалиште и за поседување оружје.
Дигитализација на сите услуги и процеси е еден од главните столбови на Владата со која ќе понудиме брзи и ефикасни услуги за граѓаните, во овој случај со брза размена на податоците меѓу нашиве две институции. Размената на податоци во електронска форма ќе се врши преку поднесување на електронски барања од секоја договорна страна, засновани на претходно поднесено и прифатено генерално Барање за користење на веб сервиси достапни преку Националната платформа за интероперабилност, согласно прописите од областа на електронското управување и електронските услуги. Креираме дигитализирани и поврзани институции кои ќе даваат брзи и ефикасни услуги за граѓаните.”
-информираа од МВР.
Креирано од:
СЛИЧНИ ОБЈАВИ
„Вози одговорно- патувај безбедно“, „Користи зимска опрема“ и „Паркирај совесно“, превентивни активности на СВР Штип и СВР Тетово
Во тек е исплатата на посебен додаток, туѓа нега и попреченост
БОЖИНОВСКА: 2025 – ГОДИНА НА РЕД, СТАБИЛНОСТ, РАЗВОЈ И ТРАНСПАРЕНТНОСТ ВО ЕНЕРГЕТИКАТА