БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

На денешен ден легендарниот Стен Ли го “закачи перото”

Пренеси го гласот

Рано утриното на денешен ден во 2018 година во Лос Анџелес во медицинскиот центар Cedar’s Sinai почина 95 годишниот визионер, уметник, забавувач, легендарниот креатор и продуцент на едни од највпечатливите стрип јунаци за сите генерации.

СТЕН ЛИ беше човекот кој ја редефинираше стрип културата во 60-тите години од минатиот век, создавајќеи цел еден нов универзум на стрип јунаци и анти јунаци, кои го одбележаа минатиот век и до ден денес се едни од најактуелните теми на обработка во стрип но и во филмската индустрија.

Фантастичната четворка, Спајдермен, Хулк, Ајрон Мен, Тор, Сребрениот Сурвер, Доктор Дум, Цела серија на мутанти од Икс-Мен серијалот, Локи итн, се едни од најзначајните ликови создадени од визионерската мисла на Стен Ли, во огромното море на Марвелови јунаци и анти јунаци.

Стен Ли со своето дело и креација која што доживеа распространетост низ сите модерни медиуми и сретства на изразување во текот на својот живот стекна голема база на следбеници и стана инспирација за драматична експлозија на цел еден свет на супер херои со кои што се идентификуваат огромен број млади и не толку млади луѓе.

Неговата оставштина за светот во времето во кое живееше веројатно ќе се проценува и анализира долги годинини по неговата смрт и уште многу генерации ќе пораснат и ќе живеат со неговото дело.

Оваа година Студиото Дизни+ сними документарен филм посветен на ликот и делото на Стен Ли кој што може да се погледне на нивната стриминг платформа.

bregalnickimarketing

Светот дефинитивно е подобро место за живеење со животот и делото на овој човек.
Почивај во мир.
R.I.P. Stan Lee.
Excelsior.

Креирано од:


Пренеси го гласот