За првпат Виничко Кале беше одлично место за отворен театар на Виничани. Тука под отворено небо виничкиот шоумен и актер Игор Дамјанов отвори едночасовен монолог со светецот Илија.
Целата содржина беше своевидна провокација за религијата, за црквата, а актерот Ило (Игор Дамјанов) после серија убиства, на сопругата , швалерката, пријателите, (сите кои ја изневериле неговата доверба), упорно бараше одговор од Св.Илија (разговор со иконата на Илија) , зошто господ не ги казнува гаволските работи“ (прељубата, лагата,) туку тој мора тоа да го прави, па мора да ја чека Божјата правда да го стаса и него (т.е да го казни).
Претставата изобилува со провокативни моменти, но сепак се заокружува со Поентата дека Господ постои и божјата правда никого не заобиколува.
“Монодрамата “Страстите на Илија“ е интересна за мене, мојот лик ја бара праведливоста и правдата, праведливоста е како треба се да е право, мојот лик ја бара од негова гледна точка, тоа ме провоцираше и целта ми беше да докажам дека има Бог, колку и да го провоцираме да се покаже, но кога ќе дојде моментот ќе ни се покаже, сепак тој постои. Јас сум човек кој верува во Виша Сила, но тука религијата е искористена и како момент за Власта, да докажам дека луѓето можат без власта, но власта не може без луѓе, боговите не можат без луѓето, а луѓето можат без боговите, и на крајот сите одиме на исто место“. За мене лично беше голем предизвик да играм на отворена сцена, за првпат направивме таква претстава на Виничко Кале, собравме многу луѓе, и ако треба уште еднаш ќе ја изведеме“, рече Игор Дамјанов.
Монодрамата „Страстите на Илија“ е од бугарскиот драматург и режисер Димо Дешев, а во режија на неговиот професор Чавдар Крстев. Претставата се изведувала во галеријата на КИЦ( Културно-информативниот центар на Македонија во Бугарија), Веќе е прикажувана на неколку фестивали во Бугарија, а во Мкаедонија учествуваше на ДАФ во Кочани. Како што рече Дамјанов, неговата кариера веќе е насочена кон глумата, а после оваа прва негова монодрама, веќе во септември низ Бугарија ќе се прикажуваат уште две нови претстави, една за деца и една сатирична комедија во која тој ќе земе учество.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево