Градоначалникот на општина Карбинци Виктор Паунов ја информираше јавноста дека на територијата на општината се поставеени контејнери за собирање и селектирање на електричен и електронски отпад.
Ваквата активност се реализира во функција на борбата на локалната власт за зачувување на животната средина.
“Во соработка со ЈП Плачковица и Друштвото за управување со отпад „Елколект“, поставени се контејнери за собирање и селектирање на електричен и електронски отпад на две локации, пред општинската зграда и во с.Таринци, и помали садови за собирање на електричен отпад во сите подрачни училишта на територија на општина Карбинци!
Сите заедно, совесно и одговорно со собирање и правилно селектирање на отпадот можеме да придонесеме кон подобрување на животната средина и остварување на одржливи практики кои ќе имаат долготрајни и позитивни ефекти во нашата општина!”
-информираше градоначалникот Виктор Паунов преку социјалните мрежи

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година