На социјалните мрежи се појавија повеќе фотографии од состојбата со коловозот на повеќе улични делници во селото Лески во Виница.
На фотографиите може да се забележи руинираната и неповолна состојба на асфалтната површина после сечењето на асфалтот и изведбата на канализационата мрежа во селото која дополнително се руинира поради пролонгирањето на затварањето на подолжните засеци каде се вршени градежните работи за потребите на изградбата на канализацијата.
За ваквата неспособност на локалните власти во општина Виница под чија што надлежност е изградбата на оваа канализација и целокупното одржување на инфраструктурата во селото Лески реагираа и од Општинскиот комитет на ВМРО-ДПМНЕ од Виница.
Нивната реакција ја пренесуваме во продолжение:
На дело можете да ја видите ‘одговорната’ власт на СДСМ. Речиси една година откако е извршен зафат на канализационата мрежа во с.Лески сеуште стои раскопаното земјиште и исечениот асфалт!
-напишаа од ОК на ВМРО-ДПМНЕ Виница на фејсбук.
