Професорката Велика Стојкова Серафимовска укажува дека фолклорот е наважната нишка во културното богатство на македонската историја. За жал кај нас државата нема многу инвестирано во овој дел од културното богатство но сепак Македонската архива е богата и содржи многу записи на умотворби, гатанки, народни песни преку кои е опишана нашата традиција и обредите на нашиот народ и културното наследство пренесувано од генерација на генерација низ вековите наназад.
Дела од нашето културно наследство се регистрирани во УНЕСКО како македонски и никој не може да ги оспори или избриши. Културната меморија мора да ја зачуваме и пренесуваме од генерација на генерација. Единствено проблем денеска може да предизвика колонијалниот пристап на соседите и присвојување на нашата култура и традиција која подоцна би можела да биде преточена во учебниците на генерациите кои идат. Под ниту еден услов Македонија не смее да се откажи од своите малцинства во соседните држави бидејќи тие се длабоко вкоренети во нашата култура. Пирин и Егеј се дел од Македонија.
Јосиф Чешманџиев во 1926 год напишал: Ние Македонците немаме пирамиди и сфинги. Нашата татковина не е украсена со палати на материјалните паметници, но имаме нешто кое ниту вековите, ниту природните стихии ниту демонската рака а насилниците не можат да го разурнат. Таа нескршлива сила е излеана во единствениот паметник, народната песна и игра, најбогатото и најценетото наследство што ни останало од минатиот живот и културата на македонецот сочувани и до ден денес. Друго што треба да запаметиме и да го ставиме во меморијата на нашиот подмладок е: “Кога ќе одиш во Македонија немој ниту да пееш, ниту да свириш, ниту да играш бидејќи Македонците и ќе те надпеат и ќе те натсвират и ќе те надиграат!” Професорката Велика посебно повикува сите научници да се здружат и да ги приберат сите докази, целиот пишан материјал, артефакти и се друго да се собери од целиот свет и да се донеси во Македонија. Софија ги има затворено тие делови од нивните архиви кои содржат дел од македонската култура и не им дозволува пристап ма Македонските научници. Софија јавно изјавила дека никогаш нема да ги предадат тие материјали ниту пак некогаш ќе дозволат македонски научници да ги видат тие материјали.
Овие материјали го опфаќаат преродбенскиот период на Македонците од Егејска Македонија во Република Македонија и Бугарија. Македонија како држава мора да изнајде решение да ги зајакне институциите и да станат приоритет за зачувување на македонското национално културно богатство. За жал оваа одродена и илегална влада нема слух за такво нешто. Слушнете и размислете колкаво богатство крие македонската култура!
