Почитувани мои пријатели!
Мојата 2020-та завршува во стилот на еден здив земи – две капки врати…Ја гледам металната боца и приклучокот кој ш,шти како змија, ги слушам звуците на рутината на белиот мантил и борбата за кислород на пациентот.Во сета збрка, предизвикана од немуштите и некадарни политичари кои во желбата за власт заборавиле на основните принципи во животот.
Дали животот е бројче?
Дали има цена неспособноста да го пресметаат данокот за здравствено кој сум го платил(ле)?!Мочуриште од тендери и лажни дозволи, прикриени позади желбата за власт! Оваа моја респираторна анализа е длабоко поврзана со мојата професија, со моето хоби, со мојата надградба, со мојата ,,политика” на живот… Пеколна и проколната година која започнасо светско зло, за некои лага за други судбина…сепак не се виновни набљудувачите!Не им е дадена шанса.
Мрзата, медиокритеската рамнодушност и конформизам, не има дава да излезат од корупките, да се издигнат како човеци и да дадат помош и допринос онаму каде можат?!Студиите наречени живот, за никој шега и забава, за некого станување во 06 и напорна работа, не поделија како даночни обврзници!30 години заробени во херменевтичкиот круг на лажен комунизам и фиктивен капитализам…30 години желба за своја татковина!?
Да не речам векови, ќе излезе дека ја навредувам ,,администрацијата ” која владеела и владее на оваа Ваша територија(а моја Македонија).
Нема поголемо од ова незапаметено глобално зло – Ковид 19, болест која не затекна на работните места.И така по сила на природата на нештата и ние застанавме во првите редови во борбата со овој невидлив непријател.Професионализмот и честа, не повлече во вителот водени од нашата одговорност, константност и пред се од нашата колективна свест, собравме сила за да стекнеме доверба меѓу себе наместо оние кои ,,требаше” да ја водат пандемијата.
100% сум убеден и сигурен дека ние не потфрливме ни грам, ни процент, но потфрлија системот и оние кои го менаџираа истиот.Ние продолжуваме да ја оправдавме довербата на нашите сограѓани преку нашата рутина, нашата борба, нашата навика да бидеме обични.Силата на нашата мисија е да бидеме блиску по човекот кај луѓето, дури и во најбелата ноќ, дури и во најцрниот ден (а ги имаше доста). Патриот е дефиниција на чесно изработена со пот работа и практика и целисхидност на стручноста наместо индолентниот и индиферентен однос на испозамислените величини врз казнети индивидуи кои и понатаму ќе бидет во служба на својот народ и татковина, наша Македонија!
Продолжуваме посветено, пожртвувано и професионално до конечната победа над глобалната пандемија.Да не ве плашат погрешните и ненавремени мерки, лагите и сеење страв од една страна а организација на избори и отворање кафиќи од друга страна.Сето ова лицемерие е ставено на куп со дефокус од запршки на роботи и лажни профили.
Овој декември е мојот капак на знаење од областа, ама онака тежок, оловен како маката од неправдата на нашите браќа кои гнијат за некои други, а наши, а денешни тендераши.Овој декември е во знакот на општата мобилизација на човекова свест на локално, со мали ама големи луѓе…оние кои се сетија на белиот мантил!
Овај декември почнува на крајот на една затворена година на правила, страв и манипулации… Војникот и полицаецот на влез се луѓе од нашето маало, од нашата околија…правилата на неправилните продолжуваат да ја менуваат свеста на едно воспитание, строго македонско, во едно ново, неразбирливо на мешан јазик на лажен полиглот, нешто како човечка помија наместо вино и леб.
Ќе мине и ова…Ќе падне и оваа антимакедонска идеја!
Ќе дојде ново утро, ќе блесне нов ден, ќе изгрее ново Сонце на Слободата.
Пишува: Гоце Марков
