Градоначалникот на општина Виница, Ивица Димитров на својата фејсбук страна објави информација за потпишан договор за доделување на грант цо износ од 29 илјади евра за набавка на мини багер ровокопач за потребите на на ЈКП “Солидарност” од Виница.
Ова е неговата објава во продолжение:
Долгогодишната меѓународна соработка на Македонија и Јапонија, која вчера заокружи 25 години дипломатски односи, со позитивен фидбек и на локално ниво. Девет општини, меѓу кои и Виница добија грантови за реализација на локални проекти.
Градоначалникот Ивица Димитров и директорот на ЈКП “Солидарност“, Игорчо Христов, вчера потпишаа договор со јапонската амбасадорка Кеико Ханеда, за добивање грант во мини багер со ровокопач Хитачи, чија вредност е 29.054 евра.
“Ова е наша втора средба со амбасадорката Ханеда, која пред неколку месеци гостуваше во Виница, и еве таа наша средба резултираше со конкретен исход, за што сакам јавно да се заблагодарам“,
-рече Димитров.
“Во краток временски период, успеваме квалитетно да го подобриме машинскиот парк на нашето претпријатие. Пред месец дена набавивме ровокопач за потребите на градежната оператива, а еве сега го очекуваме да пристигне и новиот мини багер, со што очекувам значително да се подобрат нашите комунални услуги“, рече Христов.
Инаку, на свеченоста во Скопје, на потпишувањето на договорите покрај амбасадата, присуствуваа и повеќе министри од Владата.
Креирано од:
СЛИЧНИ ОБЈАВИ
Градоначалникот Владко Грозданов најави конечна одлука во врска со директорот на ОУ „Никола Карев“
Ј А В Е Н П О В И К за избор на здружение на граѓани за дообразување на возрасни без завршено основно образование во Кочани
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани