“Од наредните месеци, Општина Штип ќе троши дополнителни 3.000.000 денари, за да вдоми 6 од своите најверни поддржувачи!
Новиот Градоначалник, сѐ уште не седнал удобно во фотелјата, во период на рецесија, распишал оглас за вкупно 6 нови вработувања.
Советник за возен парк е едно од местата кое е објавено на оглас. За истото, условите се наместени со математичка прецизност, така што веќе го знаеме и името на оној кој треба да биде вработен.
Работното место, пак, Советник за водење на антикорупциска политика и политика за интегритет е измислица на криминалната власт, преку која сака да ги сокрие нерегуларностите и да вдоми партиско војниче.
Барањето на вакви специфични кадри, кои се веќе привремено вработени во Општина Штип покажува дека овој конкурс не е транспарентен и не сите апликанти се еднакво конкурентни на истиот!
Имињата, познати на ВМРО-ДПМНЕ како и претходно, ќе ги објавиме јавно, за да се увери целата јавност дека СДС е најголемото зло што се случило на државава.”
-интегрален текст на прес конференцијата на Игор Ефтимов од ВМРО-ДПМНЕ ОК Штип.
