Во Пехчево по втор пат одржана спортската манифестација „Пехчево на точак” – искачување со велосипеди до врвот Кадиица во организација на хотел „Гогов“ со поддршка на Оштина Пехчево.
-„Пехчево на точак” имаше повторно иста цел, а тоа е да го разбудиме авантуристичкиот дух, да поттикнеме дружење, создавање нови пријателства, да ги истражиме и доживееме убавините на пехчевската природа и малешевијата кои нудат огромни можности за развој на авантуристичкиот туризам. Годинава имавме посебна чест на настанот да учествува словачкиот амбасадор Хенрик Маркуш кој и самиот е велосипедист во слободното време.” – вели Градоначалникот на Пехчево Драган Тренчовски.
Велосипедската патека по која се движеа велосипедистите е долга 27 километри, со вкупна висинска разлика од 1150 метри. Освен велосипедската трка, како дел од настанот се одржа и „оф-роуд” тура со теренски возила на која учествуваа учесници од Пехчево, Берово и од Делчево. Настанот заврши со заедничко дружење на градскиот плоштад каде учесниците од страна на организаторот добија благодарници.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година