Со цел достојно одбележување на 150-годишнината од Разловечкото востание (1876 – 2026), првиот востанички организиран отпор за слобода на македонскиот народ, министерот за култура и туризам, Зоран Љутков, формираше работна група која треба да направи увид во состојбите во објектот на Спомен-домот на Разловечкото востание во с. Разловци, Општина Делчево.
Работната група, составена од претставници од Министерството за култура и туризам, од Музејот на С Македонија и од Центарот за култура „Никола Јонков Вапцаров“ од Делчево, во текот на вчерашниот ден направи првичен увид, а во следниот период треба да понуди предлог-концепт за обнова, ревитализација и реконципирање на поставката посветена на Разловечкото востание, како и за обнова на целиот објект на Спомен-домот кој е дел од Центарот за култура во Делчево.
Објектот „Спомен-дом на Разловечкото востание“ е изграден во 1981 година и е дело на истакнатиот македонски архитект Георги Константиновски.
Извор: Министерство за култура и туризам

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар