Вработени од различни сектори во Министерството за енергетика, рударство и минерални суровини, на 04 април 2026 година реализираа посета на Рудник „Саса“, со цел одблиску да се запознаат со надлежностите што ги покрива Министерството во делот на рударството.
Иако дел од присутните не се директно вклучени во секторот рударство, посетата им овозможи практично разбирање на процесите, предизвиците и стандардите што се применуваат во оваа стратешка индустрија. Преку директен увид на терен, вработените имаа можност да ја поврзат институционалната работа со реалните операции во рударски услови.
Во рамки на посетата беше одржан воведен брифинг, на кој беа презентирани тековните рударски активности, безбедносните стандарди и современите технолошки решенија што се применуваат во подземната експлоатација. Особено внимание беше посветено на системите за управување со ризици и мерките за заштита при работа во специфични услови.
Беше претставен и методот на подземна експлоатација со етапно откопување и последователно заполнување, кој овозможува континуитет на производството, високо ниво на безбедност и значајни еколошки придобивки.
Во текот на обиколката, вработените ги посетија:
- објектот за подготовка на паста, каде што беше презентиран процесот на подготовка и контрола на квалитетот на материјалот што се користи за подземно заполнување;
- објектот за суво одлагање, со приказ на современи технологии за управување со јаловината и намалување на влијанието врз животната средина.
Посетата претставува дел од заложбите на Министерството за континуирано јакнење на институционалните капацитети и подобро разбирање на секторите кои ги регулира, преку директен увид и практично искуство.
Креирано од:
СЛИЧНИ ОБЈАВИ
Д-р Башким Шабани со апел до населението: Еден донор може да спаси повеќе животи, тоа е чин на солидарност, емпатија и човечност
Обраќање на Премиерот Мицкоски на Советот на Германско-Македонската стопанска комора
Младите ја креираат зелената иднина – Божиновска ги додели признанијата на победниците на националниот натпревар за зелени иновации