Фестивалот на отворено „Вен ин Крушево“ (When in Krusevo) кој се одржа изминатиот викенд од 21 до 23 јуни во Крушево донесе над 3 000 посетители и меѓу 400 и 500 пријавени учесници за активностите на фестивалот.
Општина Крушево и организаторот еколошко друштво „Аутдор Манифест“ се задоволни од посетеноста и очекуваат таа догодина дополнително да расте.

Градот бил исполнет , посетителите презадоволни од крушевската преубава природа и чист воздух, и она што Крушево најдобро го нуди, а тоа е длабока историја. До крајот на летото Крушево ќе понуди и параглајдинг натпревари, фестивалите Крушево Будно и П.С. Гитар фест. Манифестацијата НКС „Десет дена Крушевска Република“, Крушево низ корија, ФИС Ролер ски куп Тоше Проески и многу други активности.

Димитар Ангелкоски, како еден од организаторите на When in Krusevo изрази задоволство од третото издание на фестивалот.
„ Им се заблагодаруваме на сите оние кои ја препознаа идејата, концептот на When in Krusevo и несебично го поддржаа овој настан. Оваа година, како што очекувавме, фестивалот растеше и се надеваме дека ќе продолжи да расте и во наредните години. На овогодинешниот фестивал имавме над 400 учесници што е значително подобрување во одност на минатата година кога имавме околу 300 .“, рече Ангелскоски од еколошкото друштво „Аутдор манифест“.
Настанот опфаќаше концерти под отворено небо, планинарски, велосипедски и кајк тури, јога часови, јавање на коњи, детски активности за најмладите и еколошки активности.

СЛИЧНИ ОБЈАВИ
Николоски: Изградбата на автопатот Охрид-Кичево се одвива по план, она што беше невозможно станува реалност
Кривина пријава за 19 годишен кочанчанец за полово вознемирување
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист