До нашата редакција пристигна информација дека во дворот на Здравниот дом “Гоце Делчев” во Делчево се случила локална хаварија на главната доводна водоводна цевка, од поголем обем, која била причина за прекин на вода за ординациите, санитарните јазли и останатите медицински простории во оваа локална здравствена институција.
Од менаџментот на институцијата веднаш реагирале на лице место на дефектот каде што е констатирано пукање на дотраената главна водоводна цевка. Брзата и соодветна реакција на надлежните во Здравниот дом во Делчево подразбирала и информирање и барање на помош за интервенција и решавање на проблемот од стручни екипи од ЈКП “Брегалница” Делчево и од надлежните служби при општина Делчево и Македонска Каменица се со цел за побрзо и поефикасно надминување на проблемот со недостаток на вода за потребите на оваа витална локална институција.
Итноста на постапката за обезбедување на чиста вода за Здравниот дом во Делчево што експресно ја превземале надлежните меѓу другото е и поради тоа што од оваа водоводна цевка со вода се снабдуваат и службите на Итната медицнска помош кои имаат потреба од доток на вода постојано.
Благодарение на експресната реакција на менаџментот на Здравниот дом, вработените во здравниот дом задолжени за негово техничко одржување брзо и навремено во интерес на здравјето на граѓаните пристапиле кон набавка на соодветен материјал и негово поставување на лице место, па благодарение на нивните заложби пациентите и вработените во здравниот дом нема да имаат дополнителни проблеми.
Од Здравниот дом информираат за јавноста дека во текот на наредните часови се очекува целосно санирање на состојбата со што повторно ќе продолжи нормалното работење на сите здравствени капацитети на Здравниот дом Гоце Делчев во Делчево, во интерес на сите граѓани на Делчево.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година