На само неколку километри од центарот на Пехчево, во недопрената природа на Малешевијата во подножјето на планината Кадиица се наоѓаат Пехчевските водопади. Изворишниот дел на реката Брегалница под врвот на Кадиица кој се наоѓа на 1932 метри надморска височина, обилува со прекрасна природа на недопрени шумски предели, бројни водотеци кои пленат со својата бистрина и свежина.
По течението на горниот дел од реката Брегалница, односно по течението на нејзините притоки, постојат 4 поголеми водопади и бројни помали каскадии каде чистата и студена вода весело жубурејќо го пренесува зборот за убавините на Малешевијата, до местото на влевање во Вардар и понатаму до Егејското Море.
Овие предели на недопрена природа се повеќе се препознатливи по Малешевските водопади кои се наѓаат во поширокиот реон на туристичката населба Равна Река, Пехчево и чија висина на пад на водата и до 15 –тина метри ги воодушевува поситителите од земјата и пошироко. Водопадите се уредени и прилагодени за посетители од страна на локалната самоуправа на Општина Пехчево.
Се надеваме дека, ова прекрасно место, во иднина со мала реклама од страна на државата зголемувајќи ја понудата би прераснала во една прекрасна туристичка дестинација. А, до тогаш сите оние кои имаат слободно време, нека најдат еден прекрасен сончев викенд за да ја посетат оваа природна убавина, бидејќи “ Таму дарбите природна сила… со сета раскош ги растурила”
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево