Непочитување кон нашите важни историски и верски празници од страна на функционерите на СДСМ Делчево

Функционерите на СДСМ поставени на чело на локалните институции во Делчево не ги почитуваат и достојно не ги одбележуваат државните празници, настани и манифестации кои што се од особено значење на делчевчани и целиот Македонски народ.

Изминатата недела во Делчево се случија повеќе настани и манифестации за одбележување на значајни личности и настани од интерес на граѓаните на Делчево, но она што беше забележително е отсуството на локални функционери именувани од страна на СДСМ во Делчево, на тие настани.

За ваквата состојба реагираа и од Општинскиот Комитет на ВМРО-ДПМНЕ во Делчево со свое соопштение упатено до јавноста:

“Како сериозна политичка партија упатуваме разочараност од непочитувањето од страна на СДСМ Делчево, Градоначалникот Трајковски, Општина Делчево и голем дел од локалните институции на двата големи празника кои се случија во Делчево оваа недела, а тоа се чествувањето на Разловечкото востание и 24 мај – Ден на сесловенските просветители „Св. Кирил и Методиј“, кој е и патрон на нашиот град!

Воедно и сакаме да ја известаме јавноста, дека Горан Трајковски, Општина Делчево и дел од директорите на образовните институции кои се јавуваат и како организатори на настанот вчера, посветен на сесловенските просветители „Св. Кирил и Методиј“, не се појавија на истиот.

Наместо заеднички да го прославиме денот на просветителството и денот на Свети Кирил и Методи тие одлучиле да ја искористат саботата како пазарен ден и ден за сопствена рекреација.

Со тоа истите покажаа големо непочитување кон нашите важни историски и верски празници кои се и во основата на тоа што и денес сме ние Македонците. Докажаа уште еднаш дека во основата на нивната политичка партија е непризнавањето на се што е МАКЕДОНСКО.

Свечената академија за денот на просветителството веќе одамна е мисловна именка во Делчево под водството на оваа гарнитура на СДСМ Делчево.

Сакаме и да истакнеме дека Општина Делчево не е своевина на неколку луѓе од СДСМ, на кои децениската комоција во нивните фотељи набрзо ќе заврши.

Сакаме во оваа прилика и да им честитаме на сите институции и чинители кои сепак и покрај сите опструкции успеаа да помогнат во достоинствено и одлично одбележување на овие два значајни празника за Делчево и Македонија.

Искрено сме им благодарни и на сите високо поставени државни функционери, пратеници и министри кои на чело со Претседателот на Владата на Република Македонија Hristijan Mickoski оваа недела беа во посета на нашето Делчево и беа помеѓу својот народ.

Нашата визија како Општински Комитет да докажеме дека сме демократска политичка партија за македонско национално единство продолжува и понатаму.

-стои во соопштението упатено до јавноста од страна на Општинскиот Комитет на ВМРО-ДПМНЕ Делчево.

Креирано од: