ДЕЛЧЕВО ДОБИВА КОМПЛЕТНО НОВА СПОРТСКА САЛА ВО 2026 ГОДИНА!
Со големо задоволство можам да најавам дека Делчево во 2026 година ќе добие комплетно нова и современа спортска сала, проект кој има огромно значење за спортот, младите и целата наша општина.
Овој значаен чекор е овозможен благодарение на поддршката од Владата предводена од премиерот проф. д-р Христијан Мицкоски и министерот за спорт, Борко Ристовски, на кои искрено им благодарам за посветеноста и разбирањето на потребите на Делчево.
Денес, заедно со вредните и стручни екипи од Министерството за спорт и Општина Делчево, извршивме увид во постоечката сала која цели 24 години се наоѓа во навистина лоша, недостојна состојба.
На лице место разговаравме за сите детали, потребни информации и чекори кои следуваат со цел целосна реконструкција и создавање на функционален, безбеден и модерен спортски објект.
Ова не е само инвестиција во објект, туку инвестиција во иднината на нашите деца, спортисти и спортски клубови.
Делчево заслужува услови за спорт какви што имаат и другите градови, и чекор по чекор тоа го остваруваме.
Продолжуваме посветено да работиме за подобар, помодерен и поразвиен град. Оваа Влада докажува дека е вистински пријател на спортот и младите.
-извор: Иван Гоцевски-Градоначалник на Делчево
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево