БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Градската депонија во Кочани е намерно запалена – Општината ги засилува мерките за надзор

HTML Image as link Имате потреба од нов веб сајт?
An image from Squarespace
Пренеси го гласот

Градоначалникот на Општина Кочани Владко Грозданов во изјава за медиумите информираше дека пожарот на Градската депонија во Кочани, кој избувнал вчера околу 2 часот по полноќ, според првичните сознанија е предизвикан со намерно палење.

– Едноставно некому најверојатно му пречи како е средена и како функционира депонијата, најверојатно му треба чад и отров со што би нѐ тровел, па од многу тешко пристапен терен, некој пироман направил еден вид обрач, веројатно со бензин, и ја потпалил депонијата. Вчера од 4 часот наутро до доцна навечер направивме максимални напори и постигнавме голем напредок – го ограничивме пожарот и го локализиравме на самата депонија – истакна градоначалникот.

Утринава заседаваше Кризниот штаб на Општина Кочани, на кој учествуваа претставници на Министерството за внатрешни работи, Дирекцијата за заштита и спасување, Центарот за управување со кризи, КЈП „Водовод“, Територијалната противпожарна единица и Доброволното противпожарно друштво. На состанокот беа донесени насоки за натамошно постапување, а на терен продолжуваат интензивните активности за целосно справување со пожарот.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Градоначалникот упати апел до граѓаните да се воздржат од какви било дејствија што можат да ја загрозат безбедноста и здравјето на населението, најавувајќи дека Општината ќе воведе засилен надзор на депонијата со мобилни патроли и термални дронови за откривање и спречување на евентуални нови обиди за намерно предизвикување пожари.

Креирано од:


Пренеси го гласот