Дискорама, една од најквалитетните музички радио програми од Аргентина своето 278-мо издание ќе го посвети за музиката и животниот пат на македонскиот композитор, аранжер, продуцент, вокалист и гитарист – Владимир Четкар.
Во емисиите на Дискорама гостувале некои од најлегендарните светски продуценти и музичари на популарната музика.
Во ексклузивното интервју Четкар зборува за неговите музички почетоци во Охрид, Македонија, студентските денови во Беркли, соработката со познати светски музички куќи и продуценти како и професионалната кариера како кантавтор и фронтмен која го однесе на некој од најголемите музички фестивали и џез клубови во светот.
На 13 Јули во Охрид на плажата Бонанца, Владимир Четкар пред македонската публика ќе одржи концертна промоција на својот трет студиски албум насловен – ‘GOING HOME’.
Концертот е дел од манифестацијата Вино и Џез кој оваа година ќе одржи јубилејно,во своето петто издание. Бидете дел од неверојатната магија која ќе ја пренесе Четкар преку својот нов албум Going Home.
