Министерот за внатрешни работи во Македонската влада Панече Тошковски денеска присуствуваше на свечената академија која денес се одржа во МАНУ по повод одбележувањето на 80 годишнината од кодификацијата на Македонскиот литературен јазик.
“Денеска присуствував на Свечената академија која се одржа во МАНУ по повод 80 години од кодификацијата на македонскиот стандарден јазик, а под покровителство на претседателката Гордана Сиљановска – Давкова.
Кодификацијата на македонскиот јазик е темел на нашиот идентитет, историски врзана со АСНОМ и со решенијата од 1944 и 1945 година, кога беа поставени стандардите на азбуката и правописот.
Македонскиот јазик не е само средство за комуникација, тој е наше културно обележје, мост меѓу генерациите и симбол на националното достоинство.
Имаме должност да го чуваме, негуваме и пренесуваме понатаму. Без него, не постоиме ни ние како Македонци. Да го славиме, да го зборуваме, да го живееме!”
-напиша на социјалните мрежи министерот Тошковски во врска со овој настан.

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар