По редицата на скандалозни грантови кои беа доделени за “креативни” едукативни програми од страна на Националната агенција за европско образование и мобилност и директорката Лидија Димова во јавноста излегоа информации и за недоволна транспарентност при додолувањето на грант за Основното општинско училиште “Коле Нехтенин” во Штип.
За овој случај реагираа и од Општинскиот комитет на ВМРО-ДПМНЕ во Штип со редица неодговорени прашања во врска со самиот случај.
Во продолжение во целост го пренесуваме текстот на прес конференцијата на советникот Љубе Здравков од ВМРО-ДПМНЕ во општинскиот совет во Штип:
“Криминал, нетранспарентност и неконкурентен натпревар се зборовите со кои може да се опише оваа корумпирана власт.
Училиштето Коле Нехтенин е добитник на грант за гостопримство во Кипар, кој што грант изобилува со низа неправилности. Имено, без да излезе скандалот со Националната агенција за европски образовни програми и мобилност, ниту јавноста, ниту вработените во училиштето не беа информирани за 54.000 евра кои училиштето ги добило по основа на програмата Еразмус.
Сакајќи јавноста да биде во тек со случувањата во училиштето, од директорот и надлежните ги бараме следниве одговори:
Дали училиштето ги има поминато сите филтри за аплицирање и реализација на овој проект, односно дали за проектот има одлуки на наставнички совет, училишен и управен одбор?
Дали има план за посебната проектна сметка во буџетот на училиштето, преку која ќе се реализираат овие 54.000 евра?
И за крај, кои сѐ активности се планираат да се имплементираат врз основа на парите добиени за проектот за угостителство во Кипар и кога јавноста ќе има увид во извештајот од истите?
Директорот на СОУ Коле Нехтенин и надлежните имаат обврска да се изјаснат пред јавноста за овој проект, затоа што очигледно е дека скандалот со Лидија Димова и Националната агенција се прелеал и во нашиот град!”
