Оваа сабота мултинаменското спортски игралиште во центарот на Пробиштип повторно ќе “гори”. Четвртото возобновено издание на култниот Рудар Рок Фест Пробиштип ќе биде крстосницата каде што ќе се сретнат сите вљубеници во рок музиката. Во организација на неколкумина ентузијасти задоени уште од млади со овој начин на живот кој што го носи алтернативната рок музика и воопшто култура, со поддршка на локални субјекти ќе го реализираат и овој значаен музички настан кој предничи пред сите други настани во овој дел од државата.
За овогодинешното издание на Рудар Рок Фест најавено е гостување на 5 музички бендови кои што иако се под-жанровски различни сепак гласноста е нивен заеднички белег на препознавање.
Сите што сакаат да поминат незаборавна вечер нека го посетат овој редок музички настан за кој што долго во иднина ќе се раскажува, на ист начин како што си спомнуваме за првите 7 издание на овој култен рок фестивал кој остави траен културолошки белег во животите на сите кои што биле дел од овој музички земјотрес
Во продолжение го пренесуваме соопштението на организаторите упатено преку социјалните мрежи за Рудар рок фест 2025 година.
“Рудар Рок Фест XI!
23 Август 2025 година 19 часот;
Градски парк – Пробиштип
Влез: слободен;
Со гордост сакаме да го најавиме ХI издание (четврто по ред) на единствениот Рудар Рок Фест. Особено нѐ радува фактот дека секоја година од овој фестивал правиме сѐ поголема и поуспешна приказна. Рудар Рок Фест веќе втора година е интернационален музички настан кој промовира хард-рок култура. Оваа година на фестивалот ќе доминираат панк, пост-панк, спид, хеви и треш метал стилови од повеќе бендови.
Leatherhead е бенд од Лариса, Грција формиран во 2022 со цел да донесе брза, хеви метал музика. Стартот беше направен со нивниот сингл Tomahawk од истата година. Во летото 23 бендот влезе во студио за снимање на нивниот деби албум хеви метал хорор мјузикл комбиниран со високи вокали и гитарски мелодии и агресија на треш метал. По нивното потпишување за No remorse Records деби албумот излезе во октомври 2025 добивајќи одлични критики.Во 2025 бендот настапуваше на повеќе од 10 концерти во Грција и Европа делејќи ја сцената со Destruction, Heir Apparent, Tankard, Savatage, Michael Schenker и други.
Оваа година на Рудар Рок Фест ќе настапи еден од најкултните панк бендови на екс-ју просторите – KBO!!
Бендот е формиран далечната 1982 во Крагуевац, Србија, ги надмина сите предизвици на времето, политички и културни влијанија, и денеска слободно можеме да кажеме дека остави најголема трага во панк музиката изминативе четириесeт години на екс-ју просторите.
И не само тоа. Бендот, во својот подем кон крајот на 80-тите и почетокот на 90-тите, свири сo најпознатите светски панк бендови како Gorilla Biscuits, Emils, Babes in Toyland, Political Asylum, итн. Прави турнеи скоро низ сите европски држави, започнувајќи од Унгарија, па преку Австрија во Белгија, Холандија, итн.. На многу милионски продавани, светски панк компилации се наоѓаат и песните на KBO!
Оригиналната постава на бендот е од 1986 година ( Иван Ивезиќ – ритам гитара, Слободан Вујиќ – тапанар, Саша Вујиќ – сoло гитарист и пејач) кога започнуваат да снимаат демо синглови и затоа ги прави едни од најстарите панк бендови во светот. Карактеристика на бендот е дека во нивната музика недостасува бас гитара.
После неколку демо снимки, првото LP со наслов Forever Punk им е излезено во 1989 година и оттогаш имаат издадено десетина албуми и синглови.
Ги гледаме на Рудар Рок Фест 2025!!!
Korka е млад, гласен петчлен бенд од Кочани, кој инкорпорира множество елементи од дисонантните нојз рок 90-ти и бурната алтернативна рок сцена.Со својот самонасловен ЕП
преку бучни рифови и нежни и гневни вокали ќе ви го претстават ужасниот живот на анти-херојот „Ристо”.
„Корка“ ја сочинуваат пет млади, талентирани и пред се работливи луѓе: Ненад Стојанов – бас гитара и вокал, Давид Лазаров – гитара, Борис Медарски – гитара, Анастасија Стоименовска – вокал и Вики Петрова – тапани.
Scattered веќе 20 години постојат на домашната алтернативна музичка сцена и се формирани во 2005 година во Струга. Нивната музика е комбинација на повеќе метал правци, но генерално може да се каже дека претставува прогресивен мелодичен треш-дет метал до силни влијанија од традиционален хеви метал и паур метал. До сега имаат издадено два албуми: Introspection и Extrospection. Оваа есен се очекува да го издадат и нивниот трет албум. Нивната музика изобилува со брзи, енергични и искршени ритмови, моќни драматични вокали и виртуозни гитари. Scattered е составен од 5 членови:Миланчо Павлески – гитара; Горан Силјановски – гитара; Јордан Маленко – тапани; Стефан Ѓуровски – бас; Пеце Клечкароски – вокал;
Првично формиран на почетокот на деведесетите години од страна на група млади луѓе кои растеа и се развиваа во време на златната ера на рок и хеви метал музика,групата The Undertakers Band од Свети Николе се реоформира во 2022 година и е составена од членови од различни генерации на кои заедничка кауза им е промоција на рок и хеви метал културата. Од реоформирањето имаат настапувано на повеќе настани-мото собири, локални музички настани и кафе барови. Во нивниот репертоар преовладуваат енергични рок и хеви метал нумери.
Бендот го сочинуваат: Павле Јованчев – гитара, Дејан Серафимов – гитара, Александар Ефремов – бас, Александар Поповски – тапани, Виктор Митевски – вокал, Игор Панов – вокал;
Бидете спремни за дополнителни збогатувања на програмата за Рудар Рок Фест 2025!!! Следете не!”
-стои во соопштението упатено до јавноста од страна на организаторите на Рудар Рок Фест 2025
Креирано од:
СЛИЧНИ ОБЈАВИ
Луѓето се враќаат на Месечината за само 3 дена!
Бојана Скендеровски со концерт во Штип: Огнен Здравковски и Коки Јанков специјални гости
„Еј жено, храбро срце носиш“ – новата емотивна балада на Елена Велевска со моќна порака за жените