Поранешниот Премиер на Албанија, Министер за надворешни работи, Претседател на Собранието во Албанија и Претседател на оваа западна соседна држава, Илир Мета во јавноста упати свое соопштение за директна поддршка на политиките на ВМРО-ДПМНЕ и лидерот на опозицискиот блок во Македонија Христијан Мицкоски.
Илир Мета во својата објава упатува на силна убеденост дека политиките на ВМРО-ДПМНЕ особено оние на на економски план во Македонија се иднината која е потребна на граѓаните на државата за целокупниот развој во периодот што следува.
“Очекуваната победа на ВМРО-ДПМНЕ на претстојните избори ќе даде нова димензија на економскиот развој на Северна Македонија во иднина од која бенефит ќе имаат сите нејзини граѓани.
Да не заборавиме дека нејзината визија и политики во управувањето ја трансформираа Северна Македонија, 10-то место во светот и 5-та во Европа по бизнис клима и странски инвестиции.
Благодарение на визијата на ВМРО-ДПМНЕ, Северна Македонија експлодираше во растот на земјоделството и сточарството, почнувајќи од 10 милиони евра годишно финансирање и зголемувајќи ги на 200 милиони евра.
Новиот тим на ВМРО-ДПМНЕ, верувам, доволно научи од грешките направени во минатото и последиците од непотизмот, кој ги засенија извонредните економски и општествени достигнувања.
Северна Македонија ќе продолжи безбедно да чекори по евроатлантскиот пат и повторно Албанците ќе бидат клучната гаранција за тоа!”
-стои во соопштението упатено од страна на Илир Мета во јавноста.
Вчера Илир Мета кој што е Претседател на Партијата на Слободата во Албанија беше домаќин на тркалезна маса за развој на образованието во Корча, Албанија каде присуствуваше и Претседателката на Комисијата за Образование Весна Јаневска заедно со членови на оваа партиска комисија на ВМРО-ДПМНЕ. На средбата било разговарано за перспективата и развојот на образованието на луѓето во овој дел од Албанија како и употребата на Македонскиот јазик и поддршката на партијата на Мета за Македонската заедница во Албанија. На средбата присуствувал и Претседателот на огранокот на Партијата на Слободата во Корча, Панди Јани.
Креирано од:
СЛИЧНИ ОБЈАВИ
Вучиќ пристигна во Пекинг. Ќе има средба со Си Џинпинг
Најава за историски час посветен за Гоце Делчев организиран од припадници на Македонската дијаспора
Лариса Дир: Цел на руските напади во Одеса синоќа меѓу другите беше и породилиште со мајки родилки и бебиња