Вчера (01.05.) во околината на излетничките места на Пониква, кај селата Бели, Пантелеј, Нивичани и кај брана Градче, кочанско, полициски службеници од Полициската станица Кочани спроведоа превентивна активност под мотото – „Не уништувајте ја природата“.
При спроведувањето на превентивната активност остварен е непосреден контакт со граѓаните кои во пресрет на празникот на трудот 1-ви Мај се упатувале кон излетничките места и при разговор со истите им беше укажано за последиците од палењето на оган на отворен простор, за законските одредби, но и за штетата од самиот пожар која долгорочно ќе се одрази како врз човечкиот живот така и врз растителниот и животински свет.
Целта на оваа активност беше да се подигне свеста кај граѓаните да постапуваат совесно и одговорно , односно да дадат свој придонес за заштита на природата. За време на активноста беа поделени и летоци со информативна содржина, изработени во соработка со ЈП„Национални шуми“.
Креирано од:
СЛИЧНИ ОБЈАВИ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово
Во болницата во Кочани ќе се вршат мамографски прегледи за пациентките од Штип и регионот