Во врска со поставувањето на двојазичните табли на државни институции во Штип за кои што во минатото актуелни функционери на СДСМ кажуваа дека “двојазичноста е само во главите на вмровците” денеска со своја реакција во јавноста излегоа од Општинскиот комитет на ВМРО-ДПМНЕ од оваа општина.
Санела Петрова од ВМРО-ДПМНЕ тврди дека воопшто нема потреба за поставување на ваква двојазична табла во средина каде што доминантно населението говори на Македонски јазик а притоа се наметнуваат на криминален начин туѓи интереси.
Во продолжение во целост ја пренесуваме текстот од прес конференцијата на Санела Петрова од пред Државниот архив во Штип:
“Во најчистата етничка средина, во срцето на Истокот, се случуваат дејства со кои се загрозува постоењето на македонското етничко живеење.
И покрај негативните реакции за поставената табла на Одделението за трансфузиологија, насилничкото однесување на власта продолжува и во другите јавни институции.
Вчера беше поставена двојазична табла на Државниот архив, а такви табли има поставено и на други институции.
Иако градоначалникот дрско обвинуваше дека „сето тоа е во главите на ВМРО-вците“, сепак вистината веќе излегува на виделина. Во општина каде мнозинството од населението говори на македонски јазик и нема потреба од превод на јазикот на малцинствата, се прави криминално наметнување на туѓи интереси. Но, кога ќе се потсетиме на неуставното донесување на овој Закон и сериозните забелешки на Венецијанската комисија, јасно е дека ова зло институционално се провлекува во нашата држава.
Очигледно, целта на овој чин е понижување на Македонскиот народ!
Со секое поставување на двојазичната табла, се гази македонското достоинство!
Мнозинството, во сопствената држава стана заложник на малцинството, а националната припадност стана пазар врз кој се спасуваат политичките кариери на рекетарската власт!”

СЛИЧНИ ОБЈАВИ
Здружението на пензионери – Кочани одбележа 54 години од основањето
Стручна работилница на тема „Дигитални решенија за одржливо земјоделско производство“
ВИНИЦА РЕЦИКЛИРА – 169.350 ПЛАСТИЧНИ ШИШИЊА ЗА ТРИ МЕСЕЦИ!