Општина Кочани, преку Територијалната противпожарна единица – Кочани, во соработка со Општинската организација на Црвен крст и ОУ „Никола Карев“ реализираа тактичко-показна вежба за справување со пожар.
Пожарникарите симулираа гаснење пожар и извршија евакуација на ученици, а волонтерите од Црвениот крст интервенираа со помош на повредени ученици.
ТППЕ – Кочани ќе подготви извештај за реализираната тактичко-показна вежба во кој ќе бидат истакнати можностите за побрза и полесна пристапност на противпожарните возила до училишниот објект.
Тактичко-показните вежби се од огромна важност, бидејќи ја зацврстуваат подготвеноста на учениците и вработените во училиштата за справување со вакви несакани појави и ситуации, а претставуваат и законска обврска на училиштата.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година