Со почетен старт на паркингот пред Спомен домот АСНОМ во Делчево, утре (сабота 13.04.2019 година) ќе се одржи традиционалната четврта по ред изложба на автомобили- олдтајмери “Делчево 2019”.
Како што е предвидено за целата манифестација колоната од олдтајмери од паркингот ќе се движи низ Делчево низ централното градско подрачје за да биде покажана на граѓаните за да на крај на свечен собир се доделат признанијата за учесниците на овој настан.
Настанот е во организација на здружението “Кралеви на патиштата” (Kings of the roads).
Овој настан е со меѓународен карактер со учесници од Македонија Србија и Бугарија а веќе неколку од учесниците денеска пристигнаа во градот Делчево, што можеше да се забележи низ улиците во центарот на градот.
