И во учебната 2022/2023 година иницијативата на Здружението на наставници по македонски јазик во светот во пресрет на големиот празник посветен на просветителите Св.Кирил и Методиј ни ги подарија прекрасните пораки упатени од различни континенти, преку учениците кои го изучуваат македонскиот јазик.
Со моќните стихови, песни, искрените детски насмевки сведочиме за опстојувањето и ги потикнуваме нашите ученици да ги запознаат, почитуваат и вреднуваат животот, пожртвуваноста и делата на Кирил и Методиј. Да знаат за вистината на глаголицата и нејзините вредности, на нејзината важност во светот на писменоста, особено гледано од денешен аспек, преку призмата на можностите и неприликите.
Учејќи ги нашите ученици да читаат и пишуваат со кирилицата истата останува активно да живее и да има свои наследници и продолжувачи. Вложувајќи во младите, вложуваме во иднината уште денес. Нашите амбициозни ученици од Србија, Хрватска, Германија, Швајцарија, Малта и Австралија смело застанаа пред камерите во одбрана на македонскиот јазик кој го сакаат и со љубов го изучуваат. Нивните пораки на македонски јазик се слушнаа, се слушаат и ќе се слушаат ширум светот. Нека е честит празникот на Св.Кирил и Методиј и на сите Македонци и пријатели на Македонија секаде во светот.
Авторка на текстот: Ивана Брезовец.
Креирано од:
СЛИЧНИ ОБЈАВИ
Силвестер Сталоне го спореди Доналд Трамп со ликот на Џорџ Вашингтон неодамна во својот говор во Мара Лаго
Оваа наставничка е расадник на Македонизмот во Хрватска: Води настава со десетици дечиња од Хрватска и Македонија каде се изучува Македонскиот јазик
Обединетите Арабски Емирати со драстични контра мерки против Франција за апсењето на Павел Дуров