По огромните причинети штети кои зад себе ги остави саботното невреме кое што ја зафати општина Делчево како во градот Делчево така и речиси сите околни села во општината, ЕЛС Делчево објави јавен повик за пријавување на штети од страна на граѓаните.
Комисијата за проценка на штети на Општина Делчево ќе ги прибира поднесените барања со бараните документи од граѓаните најдоцна до 8 јули.
“ЈАВЕН ПОВИК ЗА ПРИЈАВУВАЊЕ НА ШТЕТИ
Општина Делчево ги повикува граѓаните кои имаат материјални штети предизвикани од невремето кое ја зафати територијата на Општината на ден 25.06.2022 година да ја пријават настанатата штета до Комисијата за проценка на штети на Општина Делчево.
Пријавувањето на штета од невремето – пополнето со бараните податоци и документи се доставува до архивата на Општина Делчево.
Покрај барањето секој барател треба да достави:
копија од лична карта со изјава за користење на личните податоци
потпишана од барателот; копија од трансакциска сметка;
ПРИЈАВА (АРХИВА или од веб страна)
ИЗЈАВА за штети (архива или од веб страна)
Пријавувањето на штетите може да се изврши во рок од 10 дена, односно најдоцна до 08.07.2022 година, секој работен ден од 07.30 до 15.30 часот.
За сите дополнителни информации може да се обратите на: – Кире Цоневски, Претседател на комисијата за штети – 078-705-513″
-стои во јавниот повик објавен од општина Делчево.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево