Во ОУ Музеј на град Неготино се одржа ИЗЛОЖБА на ДЕКУПАЖ- рачни ракотворби изработени од дечиња од 4 до 11 годишна возраст од Неготино кои што работат во ателјето “Мис Креатив“ (Miss Creativ) , под менторство на Велика Димова.
Беа изложени околу 80-тина украсени предмети како: магнетчиња, свеќници, шишиња, штипки, разни тацни и др. “ДЕКУПАЖ“ е техника за декорирање на предмети или мебел, од исечени парчиња хартија (салфети, оризова хартија , дури и платно) со лепење на предметите.

Во пракса декупажот секогаш се користел за разубавување на обични и стари предмети . Називот доаѓа од француското “decuper“ што значи изрежи или исечи. Декупажот е особено интересен и примамлив за децата поради неговата разноликост, при што оваа техника може да се работи на секакви површини (стакло, керамика, дрво и др.) и на предмети од ситни кутии за накит па до големи парчиња мебел.
Настанот беше од хуманитарен карактер, а средствата добиени од влезниците ќе бидат наменети за Василие Петридов.


СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар