Денеска со свои соопштенија преку социјалните мрежи Премиерот и Претседател на СДСМ Димитар Ковачевски во јавноста ја афирмираше и промовираше мерката со која се уреди недела да биде неработен ден за одредени категории на работници.
Ковачевски иако со законско решение е утврдено дека денешниот ден недела е неработен сепак тој лично со дел од неговиот владин тим работно ја посетија фабриката „Дура Аутомотив Системс“ од каде објави фотографии и упати повеќе пораки во јавност.
Дали ваквата посета на фабриката од страна на Премиерот е во функција на службена посета од страна на Димитар Ковачевски и неговите соработници или пак во прашање е приватна посета, е прашање кое нужно се наметнува во контекст на спроведувањето на законот со кој недела се прогласи за неработен ден за повеќе групи работници.
Дали за овој денешен ангажман на премиерот и неговиот владин тим за себе тие ќе земат покачени дневници од Буџетот на Владата поради работа во недела или пак работат про-боно е исто така релевантно прашање кое треба да се продискутира во јавност.
Притоа Ковачевски упати своја прака во јавност
“Трудот на работниците мора да се почитува и соодветно да се вреднува. Сите работници кои работат во недела добиваат најмалку 50% повисока дневница со воведување на недела неработен ден.”
-соопшти тој во неговото соопштение во врска со посетата на оваа компанија.
