Во 2017 година Градоначалникот на општина Лозово Ацо Велковски се пофали на социјалните мрежи со донација од семејство од Германија на адаптирано возило за чистење на снег по улици, за потребите на општина Лозово.
Ден денеска ова возило се уште не пристигнало во Лозово и не е познато поради кои причини истото не е ставено на располагање за потребите на граѓаните на општината.
За оваа проблематика своја реакција во јавноста упатија од Општинскиот комитет на ВМРО-ДПМНЕ од Лозово, чија што содржина ја пренесуваме во целост во продолжение:
“Ви текнува на Фамилијата Буровиќ од Нурнберг (Германија)…
Ви звучи познато, така?
Е тоа е таа фамилија која на 5-ти Фебруари 2017 година донираше возило на Општина Лозово за решавање на проблемите со кои се соочуваат граѓаните во зимски услови(барем така напиша актуелниот градоначалник на својот ФБ профил).
Ви текнува колку честитки упативте, дури и очекувавме тој ден да го прогласите за „Општински ден за отпочнување на борбата против завеани улици“, но нејсе… Она што ни остави впечаток е коментар од типот: „Дела ,а не зборови“- па се прашуваме до кога ке ја чекаме оваа донација да ни ги чисти улиците по населените места оти од толку што се исчистени, фрактура не ни бега…
Знаеме и свесни сме дека Германија е далеку и дека градоначалникот („скапото дете“-како што го нарекуваат во коментарите) постојано ја посетува со цел да може да ја донесе со возење оваа донација па и да обезбеди уште некоја успат… Е сега се прашувате зошто нема ни трага ни глас од истата а мандатот за Градоначалникот во заминување е при крај?
Долг е патот, многу места се завеани…
Неодговорни држави, три години му прават опструкции на Велковски на тој начин што не ги чистат завеаните патишта.. Ама, Вие бидете спокојни,кај и да е- ке се појави од некаде… До тогаш ,сите заедно, лопатите во рака и да се фатиме за работа!!
ДЕЛА А НЕ ЗБОРОВИ!!”
