Блескавите резултати на „врвната економска стратегија“ и „купон логиката“ на министерката за финансии, Нина Ангелова, вртоглаво ја носат Република Македонија во бездна. Доживеавме да посведочиме, чедата на глобализмот и најголемите протежеа на истиот, денес да ни говорат за деглобализација, додека нивните високи функционери, синоними на либерализмот и слободната пазарна економија, да станат истурена коњаница на транзициските кланови, во теоријата познато како кронизам. Оваа меѓусебна зависност на СДС и моќните транзициски тајкуни станува се поочигледна во време кога е најпотребен секој атом за зачувување на последното кое не го доупропастија т.е. надежта дека ќе го преживееме ова мрачно поглавје, без да умреме од глад, оставени на улица. Министерката заедно со целиот тим на СДС покажа дека не работи во интерес на македонските граѓани, туку исклучиво го создава и го одржува теренот за субвенционирање и „инсајдерска поддршка“ на строго определена група на луѓе кои го носат белегот на бесрамно алчната македонска транзиција. Ова е срамно и говори за тесните врски на оваа групација на луѓе со криминалот и тешките повреди на општествено-економскиот систем, кои се главната причина за бавниот развој на Република Македонија и за егзодусот на младите.
Креирано од:
Редакција 01
administrator
Информативен интернет портал посветен на граѓаните на Брегалничкиот регион..
Контакт маркетинг и редакција: 079/329-300 или на e-mail: bregalnicki@gmail.com
СЛИЧНИ ОБЈАВИ
dm и „Матрона“ со нова бесплатна онлајн обука на тема „Ран моторен развој кај децата: практични совети од ортопед“
Чешиново-Облешево доби нов, модерен простор за рекреација на најмладите
Македонскиот Премиер упати пораки за улогата на новите инвестиции за потребите на Македонска пошта