БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Ковачки во “Само Вистина”: Граѓаните на првиот круг дадоа одговор за криминалните политики и предавствата на ДУИ

Пренеси го гласот

Резултатот од првиот круг на претседателски избори е одговор на криминалните политики и предавањето на ДУИ, разликата е поголема од гласовите кои ги доби Стево Пендаровски. Резултатот е одговор на сите лоши политики, одговор на скандалите како Онкологија, модуларна болница во Тетово каде живи гореа луѓе, на не казнување на криминалот, рече Драган Ковачки, носител на листа на пратеници во изборна единица 3 на вечерашната дебата на телевизија канал 5 во емисијата Само вистина.

Според Ковачки промените се можни и тргнаа со првиот круг на претседателски избори.

„И ова ќе биде потврдено на 8 мај, како што ветивме беа згазени, а сега очекуваме поддршка од сите. Ние подадовме рака на секој субјект само да ја поразиме ДУИ и нивните измеќари СДС, мора да се стави крај на корупцијата, криминалот и продажбата на државата. Мора да се стави крај на крадењето и распродавањето на државата. Јасно е дека народот сака да си ја врати Македонија и ќе излезат уште помасовно на 8 мај“, вели Ковачки.

Ковачки се осврна на се што е направено и што ветува ВМРО-ДПМНЕ.

„ВМРО-ДПМНЕ го направи автопатот до Штип, патот до Кочани, експресен пат Штип-Радовиш кој е финансиран од претходна влада на ВМРО-ДПМНЕ. Сега ние предвидуваме нова клиничка болница во Штип, експресен пат од Кочани до Делчево до граница и многу други проекти. За разлика од претходна влада на ВМРО-ДПМНЕ, СДСМ нема направено ништо, се е организирано уште во време на ВМРО-ДПМНЕ“, кажа Ковачки.

Во своите одговори на новинарските прашања и самата дебата носителката на кандидатската листа на пратеници на СДСМ во третата изборна единица Сања Лукаревска зборуваше за упорниот наратив на СДСМ За европските перспективи во кампањата на СДСМ во изминатиот тек на кампањата за првиот круг на претседателските избори кој што кандидатот на СДСМ Стево Пендаровски го изгуби ссо над 180 илјади разлика во број на гласови.

“Очекувам дека кај граѓаните ќе надвладее разумот, а не инаетот.

Изборите не се за нашите интереси и функции туку за доброто на државата.

bregalnickimarketing

До кога вие ќе се правите поголеми Македонци од сите нас. Сите сме Македонци.

Сите меѓународни претставници кажаа дека ова е најдобрата преговарачка рамка и дека подобар договор не може да имаме. Ова е нашата последна шанса.

Во однос на можно коалицирање со ЗНАМ на Димитриевски: За танго се потребни двајца, да видиме после 8 мај дали делиме исти вредности.”

-рече Сања Лукаревска во емисијата на Канал 5 ТВ.

Креирано од:


Пренеси го гласот