Брегалнички Портал

Вести од Багалничкиот регион.

Лице од Скопје без своја механизација добило над 70 ha земја во светиниколско на последниот повик од МЗШВ

Пренеси го гласот

Денеска на барање на земјоделците од светиниколско, поточно населено место Преод и Сопот сум овде на средба со нив и од она што можам да го заклучам и пренесам е дека и овде како во останатите делови на Република Македонија ситуацијата со земјоделците е повеќе од катастрофална.

Меѓутоа она што сакам со посебен акцент да го нагласам и она кое што ми го пренесоа земјоделците е дека во овој регион поточно на последниот оглас најголем дел од земјоделското земјиште кое што е распределено, го има добиено лице кое што е блиско до власта, лице кое што нема механизација на свое име, ниту пак заслужува да работи земјиште во Свети Николе а со адреса на живеење во Скопје.

Се работи за извесно лице Маан Махмалат кој што преку една фирма добива преку 70 хектари земјиште во атарите на село Сопот и Преод, лице кое што практично го узурпира земјиштето, наместо локалното населени да го работи и да егзистира.

Она што исто така сакам од овде да го кажам е дека за вакви случаи кои што следниот период ќе ги обзнаниме пред јавноста е дека со преземањето на власта предводено од ВМРО-ДПМНЕ ќе направиме целосна ревизија на сите договори кои што се случени во Република Македонија за закуп на државно земјоделско земјиште. Секаде каде што има неправилности ќе има раскинување на договорите, меѓутоа и одговорност за Љупчо Николовски и сите оние кои што беа на раководните позиции во министерството.

Овие земјоделци заслужуваат да бидат почестени со грутка македонска земја за да можат да егзистираат и да ги одржуваат своите семејства.

-интегрален текст на прес конференција на Цвеан Трипуновски од ВМРО-ДПМНЕ

Креирано од:


Пренеси го гласот