Квалитетот на изградба на локалниот пат од Македонска Каменица до рудникот Саса е предмет на соопштението кое што Општинскиот комитет на ВМРО-ДПМНЕ од МАкедонска Каменица го упатија во јавност.
Текстот на соопштението го пренесуваме во целост во продолжение:
“Пред 3 месеци, министерот Бочварски беше во М.Каменица за да се пофали дека ЈП за државни патишта потрошило 2.3 милиони € за реконструкција на пат во должина од 10 км кој води од М.Каменица до рудникот Саса (1 км = 230.000 €). После вчерашните снежни врнежи, односно после само ТРИ МЕСЕЦИ од реконструкцијата, на истиот овој пат можат да се воочат вдлабнатини и пукнатини во асфалтот. Граѓаните на М.Каменица денес со соочуваат со два проблеми, едниот е со неисчистените улици и патишта, а вториот е со неквалитетниот асфалт кој ги чинеше граѓаните скапо. Бараме одговорност од министерот Бочварски и градоначалничката Стаменкова.
Воедно го повикуваме министерот Бочварски да дојде и да ги посети камените одрони во близина на браната Калиманци за да види како граѓаните во овој дел на Република Македонија патуваат со страв по своите животи.”

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година