Денеска на прес конференција од Општинскиот комитет на ВМРО-ДПМНЕ од Кочани ги обвинија надлежните за реваншизам и непрофесионални преместувања на вработените во МВР во Кочани.
Претседателот на Општинскиот комитет на ВМРО-ДПМНЕ од Кочани Мирче Стојков во јавноста обелодени дека Министерот за Внатрешни работи Оливер Спасовски заедно со неговите локални шерифи поставувале подобни кадри на високи позиции а “проопозициските ги тргаат од хоризонт.”
Во продолжение во целост го пренесуваме текстот на неговата прес конференцијата:
“Почитувани!
Партискиот реваншизам на локалните структури на СДСМ кои се на високи позиции во Кочанската полиција зема се поголем замав.
Министерот ги деморализира вработените во МВР и заедно со неговите локални шерифи си поставува подобни кадри на високи позиции, а сите оние кои ќе ги именуваат како ,,проопозициони” ги тргаат од хоризонт, ги преместуваат во други градови и им се намалуваат чинови без преседан. Ова не било никогаш! Долгогодишни вработени во МВР со големо искуство и заслуги се преместуваат без причина и реална основа, само затоа што имаат храброст да застанат против неправдата и непрофесионалноста. Ова е црно време за сите професионалци во сите дејности и фели. Примери за прераспределби на вработени во државни институции имаме секој ден, за да на нивно место се постават сервилни кадри на партијата.
Полицијата е крајно демотивирана, и тоа е причината за лошата реализација, а со тоа и ниското ниво на безбедност во државата. Рекетот, убиствата и разбојништвата ќе остануват и понатаму нерасчистени, така што сериозно е отворен сомнеж дека раководството го прави сето ова се со цел заштита на своите штитеници и контрола на политичкиот терен. Ова граѓаните го знаат добро, а веќе се охрабрени пред наездите на лошите политики. “
Креирано од:
СЛИЧНИ ОБЈАВИ
По хуманитарната балетска претстава во Кочани: „Ballet Magnificat“ на средба со градоначалникот на Кочани Владко Грозданов
Библиотеката „Искра“ во Кочани го одбележа 23 Април – Светскиот ден на книгата и авторското право
Планинари, граѓани и службени лица на армијата и полицијата ќе маршираат заедно во чест на 150 годишнината од Разловечкото востание