Владата на чие чело стои Оливер Спасовски како Технички премиер го проблематизира работењето на еден од своите министри.
Имено владата на своја седница ги поништи решенијата на техничката министерка Рашела Мизрахи за разрешување на директорите во меѓуопштинските центри за социјална работа во Штип, Битола, Пробиштип, Валандово, Прилеп и Радовиш.
Во соопштението до јавноста на фејсбук страната на Владата стои:
„Владата вечерва донесе одлука за поништување на решенијата за разрешување на должност вршители на должност и именување на вршители на должност директори во јавните установи – меѓуопштински центри за социјална работа во Штип, Битола, Пробиштип, Валандово, Прилеп и Радовиш.
Одлуката на техничката министерка Рашела Мизрахи за разрешување и именување на вд директорите на центрите за социјална работа е донесена спротивно на чл.46 став 2 од Законот за влада: „Дополнителниот заменик на министерот заедно и рамноправно со министерот учествува во остварувањето на надлежностите предвидени во Законот за организација и работа на органите на државната управа„.
Со оглед дека целта за избор и на техничкиот министер и на дополнителниот заменик на министер е организација на изборите за пратеници во Собранието, сите правни и кадровски прашања потребно е заедно и рамноправно да се разгледуваат и за истите заедно и рамноправно да се носат одлуки односно да се одобруваат, што следствено ќе биде верификувано со акт/документ кој ќе биде потпишан во случајов од министерката и од дополнителната заменичка на министерката.
Техничката министерка, спротивно на законот и со притисок врз вработените во архива (со писмена наредба) ги донела решенијата за разрешување и решенија за именување на други вршители на должност директори во јавни установи меѓуопштински центри за социјална работа.“
Дали со ваквата одлука за поништување на решенија на еден од своите министри од страна на владата се доведува во прашање опстојувањеето на техничката влада останува да видиме, во развојот на настаните до изборите на 12 април.
Креирано од:
СЛИЧНИ ОБЈАВИ
Службени лица на МВР и МЗШВ од Струмица и Берово помагале во пустошење на шумите во Малешевијата
Божиновска: Рубинот инспирација за иднината – уметност и геологија се споија со цел ресурсите да ги претвораме во знаење, вредност и иднина
Николоски: Автопатот Прилеп-Битола се гради со силен интензитет. Пелагонија ќе добие модерен автопат по сите стандарди за нов економски развој и посилна иднина на регионот