БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Трипуновски во Кочани на средба со градоначалникот и земјоделците кои мака мачат во својата дејност

Пренеси го гласот

Заменик Министерот за земјоделие, шумарство и водостопанство Цветан Трипуновски денеска беше во работна посета на Кочани. Во рамки на посетата тој се сретна со кочанскиот градоначалник Љупчо Папазов при што се запознал со актуелните состојби од интерес на земјоделците како и делот на ингеренции на ресорното министерство кои се однесуваат на водоснабдувањето како и состојбата со шумскиот фонд.

“Денеска сум на работна посета во општина Кочани, првата средба ќе биде со градоначалникот на Општина Кочани, Љупчо Папазов.

На оваа средба ќе разговараме за актулената состојба во руралниот дел од општината, во делот на земјоделството, проблеми и актуелни ситуации се со цел во иднина да понудиме решенија и конечна разрешница.

Исто така сакам да информирам дека во текот на денешнава посета на општина Кочани ќе остварам и посета на една компанија која што е од областа на земјоделството и крајот на денот ќе го завршам со средба со земјоделците од овој крај, со оризопроизводителите, и ќе разговараме за сите оние отворени прашања кои што ги имаат се со цел да имаме еден прогрес во целиот земјоделски сектор.”

-соопшти во врска со посетата на Кочани заменик министерот Трипуновски.

bregalnickimarketing

Во продолжение може да ја проследите изјавата која Цветан Трипуновски ја даде за јавноста по средбата со градоначалникот Љупчо Папазов:

Креирано од:


Пренеси го гласот