По повод денешниот државен и православен христијански празник посветен на Св. Климет охридски, градоначалникот на општина Виница упати честитка до сите граѓани на Виница како и сите православни христијани.
“Почитувани сограѓани, дозволете во мое лично име и во име на Општина Виница, на сите православни христијани да го честитам денешниот голем државен и христијански празник Св. Климент Охридски.
На овој празник го славиме ликот и делото на големиот словенски и македонски просветител, кој бил еден од најистакнатите ученици на светите браќа Кирил и Методиј.
Свети Климент бил основоположник на Охридската книжевна школа, честопати именувана како првиот балкански и европски универзитет, низ којашто минале околу 3.500 ученици.
Македонската православна црква Св. Климент Охридски го слави како свој патрон празник и истовремено го смета за основоположник на македонската црковна и народна духовност.
Нека ни е честит празникот Св.Климент Охридски – ден на просветителството и духовноста!”
-стои во честитката на градоналникот на општина Виница Миле Петков.
Креирано од:
СЛИЧНИ ОБЈАВИ
Влатко Јефтимов и Мирче Павлов прогласени за најуспешни пожарникари во Кочани за минатата година
Потпишан договорот за поврзување на Виница со Пречистителната станица за отпадни води во Мојанци
Санација и реконструкција на оштетени шахти на коловозите во Кочани