БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

ВМРО-ДПМНЕ ОК Штип го обвинува градоначалникот Бочварски за незнаење при исполнувањето на обврските кон граѓаните

HTML Image as link Имате потреба од нов веб сајт?
An image from Squarespace
Пренеси го гласот

Знаевме дека Градоначалникот не знае како да почне проект, а веќе гледаме дека и не знае како да заврши. 
Кејот на р. Отиња кај вливот во р. Брегалница остана незавршен за само 300 метри. Незатворените канали во реката се лоша слика, која е срам за градот, а високите треви се ризик за граѓаните во летниот период. Најубавиот дел од градот, наместо да има репрезентативен изглед, тој се претвори во слепо црево.
Неуредениот кеј на реката очигледно не е на листата на приоритети налокалната власт. Иако за време на кампањата дури и во промотивните спотови се промовираше кејот на р. Отиња како нешто со што треба да се гордееме, сепак една и пол година од мандатот нема посветеност за финиширање кејот на реката.
Со голема итност и неодложност, потребно е Градоначалникот да се насочи кон уредување на овој дел од градот, затоа што неговата историска и културна вредност се од огромно значење за целата држава. Освен тоа, на овој дел минува регионален пат и голем број граѓани од Источна Македонија го гледаат ужасот во кој тоне нашата општина.
Почитуван Градоначалник,
По не знам кој пат ВМРО-ДПМНЕ Ве потсетува дека Вашата позиција бара посветеност, лојалност кон гласачите и исполнителност. Вие имате превземено обврски кон гласачите, а најмалку што можете да направите за нив е да ги засукате ракавите и да завршите барем еден од проектите кои беа почнати од претходната власт.

Креирано од:


Пренеси го гласот